नक्की तलाव

#Nakki Lake

ब्रह्माकुमारी विश्व विद्यालयाचे मुख्यालय पांडव भवन, ओमशांती भवनच्या जवळ असलेला नक्की तलाव हे माऊंट आबूचे एक सुंदर पर्यटन स्थळ आहे. हे गोड्या पाण्याचे सरोवर, जे राजस्थानचे सर्वात उंच सरोवर आहे, ते राजस्थानच्या सिरोही जिल्ह्यात आहे. टॉड रॉक आणि नन रॉक हे तलावाचे जवळ महाकाय खडक आहेत. हिवाळ्यात तलाव अनेकदा गोठतो. असे म्हणतात की एका हिंदू देवाने आपल्या नखांनी हे तलाव खोदून तयार केले. म्हणूनच ते नक्की (नख) या नावाने ओळखले जाते. तलावातून आजूबाजूच्या डोंगरांचे दृश्य अतिशय सुंदर दिसते. या तलावात बोटिंगचाही आनंद लुटता येतो. मावळत्या सूर्याचे सौंदर्य नक्की तलावाच्या नैऋत्येला असलेल्या सूर्यास्ताच्या ठिकाणावरून पाहता येते. इथून दूरवर पसरलेल्या हिरव्यागार मैदानाची नजारे डोळ्यांना शांती देतात. सूर्यास्ताच्या वेळी आकाशाचे बदलणारे रंग पाहण्यासाठी शेकडो पर्यटक येथे येतात. हा तलाव नैसर्गिक सौंदर्याचा आनंद देतो

दिलवाडा मंदिर

#dilwaraTemple

स्थापत्यशास्त्राचा सर्वाकृष्ट उदाहरण दिलवाडा (दिलवारा) मंदिर आहे. हे मंदिर पाच मंदिरांचा समूह आहे. राजस्थानच्या जोधपूरजवळील सिरोही जिल्ह्यातील माऊंट आबू शहरात आहे. अकराव्या आणि तेराव्या शतकाच्या दरम्यान बांधकाम करण्यात आले. ही भव्य मंदिरे जैन धर्माच्या संतांना समर्पित आहेत. दिलवाड्यातील मंदिरांपैकी ‘विमलशाही मंदिर’ हे पहिले तीर्थंकरांना समर्पित असलेले सर्वात जुने मंदिर आहे जे सन 1031 मध्ये बांधले गेले. बाविसाव्या तीर्थंकर श्री नेमिनाथ यांना समर्पित ही मंदिर ही खूप लोकप्रिय आहे. हे मंदिर 1231 मध्ये वास्तुपाल आणि तेजपाल नावाच्या दोन भावांनी बांधले होते. दिलवाडा जैन मंदिर संकुलातील पाचवे मंदिर संगमरवरी बनलेले आहे. मंदिरांच्या सुमारे 48 खांबांवर नर्तकांच्या आकृती आहेत. दिलवाडाची मंदिरे आणि शिल्पे ही मंदिर बांधणी कलेची उत्कृष्ट उदाहरणे आहेत. मंदिरात संगमरवरी पाषाणावर केलेली बारीक कलाकसुरी अत्यंत मोहक आणि आकर्षक दिसते.

रॉक खडक

#rock

समुद्रसपाटीपासून १मीटर उंचीवर वसलेले माउंट अबू हे राजस्थानमधील एकमेव डोंगरी शहर आहे. या शहराचे प्राचीन नाव अर्बुदांचल होते, या ठिकाणी श्री शिवाने आहुक आणि आहुजा या भिल्ल दांपत्याला प्रत्यक्ष दर्शन दिले होते. हे अरवली पर्वताचे सर्वोच्च शिखर आहे, येथे जैनांचे प्रमुख दिलवाडा तीर्थक्षेत्र आहे आणि राज्यातील उन्हाळी पर्यंटन केंद्र आहे. माउंट आबू, अरावली पर्वतरांगांच्या अत्यंत नैऋ त्य टोकाला ग्रॅनाइट खडकांचे एकल वस्तुमान म्हणून वसलेले, पश्चिम बनास नदीच्या सुमारे 10 किमी अरुंद खो·याने इतर पर्वतरांगांपासून वेगळे केले आहे. डोंगराच्या माथ्यावर आणि बाजूला वसलेल्या ऐतिहासिक वास्तू, धार्मिक तीर्थक्षेत्रे मंदिरे आणि कला इमारतींमध्ये शिल्प, चित्रे आणि स्थापत्यकलेचा अमूल्य खजिना आहे. येथील गुहेत एक पायाचा ठसा कोरलेला आहे ज्याला लोक भृगुच्या पाऊलखुणा मानतात. डोंगराच्या मधोमध दोन विशाल संगमरवरी जैन मंदिरे आहेत. अशी विविध नैसर्गीक, धार्मिक, आध्यात्मिक पर्यंटन स्थळे आबू येथे आहेत.

मधुबन (ब्रह्माकुमारीज् मुख्यालय,

#madhuban #shantisthambh #babakutiya #babakamara #historyhall

मधुबन (ब्रह्माकुमारीज् मुख्यालय, ओमशांती भवन, पांडवभवन, बाबा कुटीया, हिस्ट्री हॉल, शांतीस्तंभ, बाबा कमरा)

भारताच्या उत्तरेला, राजस्थानच्या कोरड्या वाळवंटातून अरवली पर्वत उगवतो. त्यापैकी प्रमुख म्हणजे माऊंट आबू. प्राचीन ग्रंथ आणि लोककथांमध्ये, आबूचे पवित्र स्थान आणि ऋषी-मुनींची तपस्या भूमी म्हणून ओळख आहे. आजही या परिसरात असंख्य मंदिरे,आश्रम आहेत. अनेक भूतपूर्व राजपूत राजांनी त्यांचे राजवाडे आणि उन्हाळी घरे याठिकाणी बांधली. पर्वतांच्या थंड उंचीवर वसलेले माउंट आबू हे पर्यंटन स्थळ- हिल स्टेशन आहे, ब्रह्माकुमारीज्चे आंतरराष्ट्रीय मुख्यालय येथे आहे, यास मधुबन (मधाचे उद्यान) असेही म्हणतात. येथे जगभरातून लाखो राजयोगी आध्यात्मिक उन्नती राजयोग-सराव शिबिरासाठी येतात. मधुबनच्या पवित्र परिसरात पाऊल टाकल्यावर, आपणास प्रचंड आध्यात्मिक उर्जेची अनुभूती होते. जी ख·या मानसिक शांतता आणि आंतरिक आनंदाची अनुभूती देते, यामुळेच मधुबन एक आध्यात्मिक उर्जावान केंद्र म्हणून हे जगप्रसिद्ध आहे.
मधुबनमध्ये अनेक प्रेरक उर्जावान स्थाने आहेत जसे की, पांडव भवन, ओमशांती भवन, हिस्ट्री हॉल, प्रजापिता ब्रह्माबाबांची झोपडी, बाबांची खोली आणि शांतीस्तंभ ही प्रमुख होत. बाबांची झोपडी हे ठिकाण आहे जिथे संस्थापक, प्रजापिता ब्रह्मा यांनी कठोर तपस्या केली, जगातील लाखो आत्म्यांना शांततेचे सूक्ष्म किरण याद्वारे प्राप्त होतात. शांतीस्तंभ अर्थात् टॉवर ऑफ पीस हे ते ठिकाण आहे जिथे संस्थापक प्रजापिता ब्रह्माबाबा यांच्या पार्थिवावर अंत्यसंस्कार करण्यात आले होते. युनिव्हर्सल पीस हॉल, ज्याला ओम शांती भवन असेही म्हणतात, हे मधुबनमधील मुख्य सभागृह आहे. हे आध्यात्मिक उर्जेचे आद्य स्थान मानले जाते. हॉलमध्ये 3,000 व्यक्ति बसतात आणि 16 भाषांमध्ये एकाचवेळी भाषांतर करण्याची सुविधा आहे. याची स्थापना 1983 मध्ये झाली. दररोज 8,000 हून अधिक पर्यटक भेट देतात. दरवर्षी किमान 35,000 निवासी पाहुणे येतात आणि सुमारे 500 कायमस्वरूपी रहिवासी राहतात येथे 42 विभागांमध्ये सेवाकार्य चालते. येथील स्वयंपाकघर एका वेळी 4,000 लोकांसाठी जेवण तयार करू शकते; आध्यात्मिक उर्जेचा अक्षय स्त्रोत म्हणून मधुबनकडे पाहिले जाते.

शांतीवन

#shantivan

शांतीवन हे आबू रोडपासून माऊंट आबूच्या रस्त्याने सहा किलोमीटरवर गेल्यावर विशाल शांतीवन नावाचा एक भव्य परिसर दिसतो. समाजातील विविध घटकांसाठी एकावेळीस सुमारे 3 हजार ते 20 व्यक्तिंसाठी विविध कार्यक्रम याठिकाणी होतात. यात संमेलने, चर्चासत्रे, परिषदा, आध्यात्मिक शिबिरे, शैक्षणिक परिषदा आणि इतर उपक्रमांसाठी एक विशाल सभागृह/हॉल आहे तो म्हणजे भव्य डायमंड हॉल. हे शांतीवनचे मुख्य आकर्षण आहे. हॉलामध्ये कोणतेही खांब नाहीत, बहुदा आशिया खंडातील सर्वांत मोठा हॉल म्हणून याकडे पाहिले जाते.यात सुमारे 20,000 लोक बसू शकतात. याशिवाय कॉन्फरन्स हॉल, आध्यात्मिक संग्रहालय, तपस्याधाम, दादीजी स्तंभ देखील येथे आहे. संकुलातील निवासी इमारतींमध्ये सुमारे 20,000 व्यक्ति राहू व भोजन करु शकतात.

05

p

We